Билгийн тооллын XVII жарны гал бичин жилийн хаврын тэргүүн сарын шинийн 4-ний өдөр БОНХАЖ-ийн Сайд Н.Батцэрэг, яамны нийт хамт олон, МБОИЗ-ийн ахмадууд, Цэнгэг усны нөөц, байгаль хамгаалах төвийн хамт олонтой төр, түмэн олноо төвшин амгалан байхыг бэлгэдэн золгож, хүндэтгэл үзүүлэв.
Энэ золголтын дараагаар МБОИЗ-ийн үе үеийн тэргүүн С.Дамдинсүрэн, Б.Батболд, З.Болдбаатар нар МБОИЗ-ийн настан буурлуудаа хүндэтгэн амар мэндийг нь эрэн золгож, бэлэг гардуулав. Энэ жилийн золголтод Ц.Доржсүрэн, Ж.Гомбожав, Б.Дүгэрээ, Г.Тэгшжаргал, Б.Дашжамж, Д.Цэцгээ, н.Азар, н.Түдэвдорж, н.Дагвасүрэн нарын настан буурлууд ирлээ.
