МБОИЗ ТББ-ын Үндэсний 8-р чуулган 12-р сарын 07-ны өдөр “ХУУЛЬЧЛАГДСАН БАЙГАЛИЙН ЭРХ” уриан дор болж хот хөдөөгийн ТББ-ын төлөөлөл оролцож удирдлагын багаа бүх гишүүдийнхээ санал хураалтаар шинэчлэн сонгож тэдний цаашдын 4-н жилийн хугацаанд ТББ-г удирдах ажилд нь амжилт хүссэн билээ.
Тэгвэл 12-р сарын 08-ны өдөр шинэчлэгдэн сонгогдсон удирдах зөвлөлийн баг анхны хурлаа хийж цаашдын ажлын стратеги төлөвлөгөө, хийх-хариуцах ажлуудаа ярилцаж ажилдаа орцгоолоо.
Энэ хурал дээр өмнөх тэргүүн С.Амгаланбаатар шинээр сонгогдсон тэргүүн Г.Галтайхүүд байгаль орчны төлөө гэсэн арвин их үйлс нь өөдлөн дэлгэрч, бодсон бүх ногоон үйлс нь сэтгэлчлэн бүтэж ихийг хийж хэрэгжүүлэхийг ерөөн байгууллагын тамга, дүрэм, ёс зүйн кодыг алд цэнхэр хадгийн хамт хүлээлгэн өгч амжилт хүслээ.
