Хандив өргөв

Энэ сарын 04-нд Богд уулын Төр хурахын аманд ойн түймэр гарсан. Ойн түймэр хээрийн түймрээ бодоход унтраахад хэцүү. Учир нь ойн түймэр газар доогуур модны үндэс хавж шатаад өөр нэг газраар гэнэтхэн гарч ирдэг байна.

МБОИЗ-ийн гишүүн “Амьтан хамгаалах сан” ТББ-аас ойн түймэр унтраах ажилд зориулан 4 хүрз, 4 хамуур, 8 бээлийг  Богд уулын ДЦГ-ын захиргаанд хандивлав.

Ойн түймэр нь хэт хуурайшилттай холбоотой ч ууланд аялж, зугаалагчдын санамсар болгоомжгүй байдлаас болсон байх магадлалтай гэдгийг албаныхан хэлсэн. Зугаалж яваа хүмүүс гал түлж дулаацаад галаа унтраасан гэж боддог ч өнөөх нь дээр хэлсэнчилэн цасан доорх модны үндэс дагаж яваад нэг, хоёр өдрийн дараагаар, хичнээн зуун метрийн алсад дүрэлзэн асч эхэлдэг байна. Иймээс ой, хээрт зугаалахдаа анхаарал болгоомжтой байж, нийт ТББ-ууддаа ойн түймэр унтраах ажилд өөр өөрсдийн чадах чинээгээрээ оролцохыг уриалж байна.